林宥嘉香港樂迷會 Yogalum HK - Powered by Discuz! Board

標題: [2017新聞] 20170520 蘋果日報林宥嘉專訪 [打印本頁]

作者: Mandy 時間: 2017-5-21 17:43 標題: 20170520 蘋果日報林宥嘉專訪

【人夫融化了】林宥嘉走出人生低潮開心和快樂是最重要

新聞連結 (內有視頻)

愛情可以改變一個人！以前對感情低調的台灣歌手林宥嘉，自跟丁文琪相戀結婚後，整個人都開朗了，日前宥嘉來港宣傳6月舉行嘅紅館騷，喺尖沙嘴接受《蘋果》專訪，直認自己變化很大：「第一個要改變原因，是自己求婚了，我覺得結婚是很重要的事情，因為我30歲了，出道10年，所以很想跟歌迷分享，再來是因為我覺得自己長大了，每個人每天都蠻辛苦，開心和快樂是最重要。」

林宥嘉每個人嘅經歷都唔一樣如果遇到咪結婚！

問到被太太改變最大係邊方面？宥嘉話：「我的太太是一個想事情很清楚的人，因為我有時候講話抽象一點，如果可以綜合就好了。」咁太太會唔會明你講乜㗎？宥嘉笑說：「會，在家裏多時間溝通。」郭富城51歲才結婚，點解宥嘉咁快做人夫呢？佢笑笑表示：「因為每個人遇到的不一樣，如果早遇到就早點結婚，沒關事，成年18歲就可以結婚。」

林宥嘉結咗婚後，笑容明顯比以前多咗！

宥嘉坦言以前很自卑：「因為年紀小，比較容易想多，但是我覺得時間會令人長大，自己經歷很多事情，現在已經走出低潮。」為甚麼會自卑呢？宥嘉話：「可能從小就長得不夠高，沒有180公分就很想哭，當然開玩笑，心情比較失落一點，總是花一些時間習慣。現在比較不會自卑了，想開開心心跟大家分享好事情。」

林宥嘉話以前年紀細，好易諗多咗，所以比較自卑。

下月同丁文琪喺台北舉行婚宴。

攝影：沈健程
場地：Hotel Icon

作者: Mandy 時間: 2017-5-21 17:47

【力撐廣東歌】林宥嘉否認避舊愛G.E.M.：遇到再說大家開心最重要

新聞連結(內有視頻)

一向對廣東歌情有獨鐘嘅台灣歌手林宥嘉，熱愛程度連填詞人黃偉文曾經喺facebook撰文：「我所認識的林宥嘉是一位真正喜愛廣東歌的人，也很久很久沒有一位國語歌手真誠地錄一首廣東歌了，我是激動的。」所以，去年宥嘉就有了第一首廣東歌《壞與更壞》，特別請黃偉文填詞、Eric Kwok作曲、陳奕迅配唱，宥嘉話：「我很喜歡廣東歌，尤其是有首歌跟Eric Kwok老師和Eason一齊做，覺得：嘩！好像要開發另一個世界。」

林宥嘉話聽到廣東歌覺得好感動。

查實廣東歌地位被乏略，點解身為台灣歌手嘅宥嘉肯唱呢？佢坦言：「其實我也不知道廣東歌是否縮萎，但我覺得這個語言好聽，它有一個很經典感覺。市場不是太在意，希望大家聽到不同的歌，覺得有感動、感覺比較重要。」

近年有好多港台歌手都北上賺人仔，宥嘉嘅舊愛G.E.M.、天后林憶蓮、蕭敬騰嘅獅子合唱團都參加湖南衛視《我是歌手》節目，唔知呢個節目有冇搵過宥嘉呢？佢話：「有跟《我是歌手》的團隊討論過其他節目，這個好像沒討論。」如邀請有興趣參加嗎？唔介意被行外人定輸贏？宥嘉話：「有興趣呀，如果聽我的歌的人不是專業，當然希望他們喜歡我，少點批評。」

林宥嘉話冇諗過同G.E.M.再見會否打招呼。

最後提到早前同G.E.M.喺深圳音樂會同場避見面，宥嘉解釋：「其實沒有刻意避開。」再見會否打招呼？宥嘉忽然轉channel用廣東話答：「其實都冇諗過。」講完拍掌自讚：「好正，我嘅廣東話好正。」之後再用國語答：「遇到再說，大家開心最重要。」唔會當睇唔到？佢話：「如果有睇到，就係有睇到。」

採訪：余燕儀攝影：沈健程場地：Hotel Icon

歡迎光臨林宥嘉香港樂迷會 Yogalum HK (http://yogalum.hk/d7u8/)